Pecyn cymorth i'ch helpu i ddechrau eich busnes

Pwrpas y pecyn cymorth yw darparu pecyn cofleidiol llawn o gefnogaeth ymarferol a chymorth ariannol wedi’i deilwra i helpu unigolion sy’n byw yng Ngwynedd a/neu Ynys Môn i lywio cymhlethdodau sydd yn gysylltiedig â sefydlu busnes, mewn modd sy’n rhoi’r cyfle gorau posibl am lwyddiant a gwytnwch yn y dyfodol.

Yn ogystal â chymorth ariannol, bydd pob ymgeisydd yn derbyn mynediad i sesiynau cyngor un i un, cyfleoedd rhwydweithio, yn ogystal â gweithdai gwybodaeth sy'n cwmpasu ystod eang o sgiliau allweddol sydd eu hangen i lwyddo mewn busnes. Bydd y pynciau a drafodir yn cynnwys elfennau megis cynllunio busnes, rhagolygon ariannol, cyfreithlondeb mewn busnes, hunanasesiad ar-lein, brandio, marchnata ac ati.

MEINI PRAWF
• Yn byw yng Ngwynedd a/neu Ynys Môn
• Dros 16 oed
• Bwriadu cychwyn menter newydd
• Chwilio am becyn cymorth o hyd at £2500 (cyfradd ymyrraeth 75%)

Mae’r Hwb Menter / Enterprise Hub yn awyddus i annog cleientiaid i ystyried cynnwys gwariant sy’n gysylltiedig â chymorth arbenigol proffesiynol fel cyfrifeg, brandio neu wasanaethau marchnata, a fydd yn rhoi sylfaen gref i’w menter newydd y bydd y busnes yn ffynnu arni. Bydd gwariant ar eitemau megis offer yn cael ei gapio er mwyn annog gwariant pellach ar hanfodion cofleidiol eraill gwerthfawr.

Mae gwybodaeth fanylach ar gael yn y dogfennau isod.