Grant Busnes Ynys Môn 2025

Mae hwn yn grant dewisol a ddarperir gan yr Hwb Menter / Enterprise Hub ar ran Cyngor Sir Ynys Môn.  Mae'r cyllid hwn a ddarperir gan Lywodraeth y DU fel rhan o Gronfa Ffyniant Gyffredin y DU i ddarparu cymorth ariannol i unigolion sy'n dymuno datblygu eu busnes neu sefydlu menter newydd ar Ynys Môn.

Os oes gennych unrhyw gwestiynau cysylltwch â ni ar 01248 858 070 | post@hwbmenter.cymru.

CRONFA YNYS MÔN

Grant Busnes Newydd

• Uchafswm cyfraniad grant o £2,000 (cyfanswm gwerth y gronfa £16,000)
• Uchafswm grant o 70% o gyfraniad cost y prosiect
• Isafswm cyfraniad ariannol cyfatebol o 30% sy'n ofynnol gan yr ymgeisydd
• Cyllid i gyfrannu tuag at gostau refeniw 

Grant Busnes Presennol

• Cyfraniad grant rhwng £2,500 a £15,000 (cyfanswm gwerth y gronfa £200,000)
• Uchafswm grant o 50% o gyfraniad cost y prosiect
• Isafswm cyfraniad ariannol cyfatebol o 50% sy'n ofynnol gan yr ymgeisydd  

• Cyllid i gyfrannu tuag at gostau cyfalaf 

   

MEINI PRAWF  

• Busnes bach neu ganolig sydd â'i bencadlys ar Ynys Môn. Eich pencadlys yw'r eiddo lle mae rhan helaeth o'ch gweithgaredd busnes yn digwydd
• Busnesau masnachol (nid elusennau neu grwpiau cymunedol)
• Busnesau sefydledig neu unigolion sy'n bwriadu dechrau menter newydd cyn diwedd mis Mawrth 2026.
• Dros 16 oed
• Dim ond un cais fydd yn cael ei dderbyn gan bob busnes/unigolyn 

PWRPAS 

Bydd y gronfa hon yn buddsoddi mewn busnesau ar Ynys Môn a fydd yn eu cefnogi i: 

• Gychwyn
• Tyfu a datblygu
• Cynnig gwasanaethau a chynhyrchion newydd
• Galluogi mynediad i farchnadoedd newydd
• Darparu cyfleoedd swyddi newydd a helpu i gynnal rolau presennol
• Diogelu dyfodol y busnes 
• Buddsoddi mewn offer newydd
• Datblygu i mewn i weithfannau masnachol gwag 
• Lleihau costau rhedeg
• Gweithredu technoleg newydd ac offer cyfalaf e.e. offer gweithgynhyrchu, peiriannau, offer neu seilwaith cysylltiedig
• Gwella'r defnydd o'r Gymraeg
• Lleihau ôl troed carbon a chynyddu cynaliadwyedd
• Cefnogi canol trefi lleol
• Datblygu gwasanaethau lleol pwysig 

Oherwydd gwerth cyffredinol cymharol fach y gronfa, y cam cyntaf yw cwblhau Ffurflen Mynegi Diddordeb, i sicrhau cymhwysedd ac addasrwydd cyn cyflwyno cais llawn.  Dyddiad Cau Ffurflen Mynegi Diddordeb = 15fed o Awst 2025.  Os yw'n gymwys ac yn addas, bydd y ffurflen gais wedyn yn cael ei hanfon atoch i'w chwblhau.  Rydym yn disgwyl galw mawr am y grant hwn ac yn anffodus, dim ond cyfran o'r ceisiadau a dderbyniwn y byddwn yn gallu eu cefnogi. Dyddiad cau cais llawn = 22ain o Fedi 2025.  Mae gwybodaeth fanylach ar gael yn y dogfennau isod.