Pecyn Cymorth Busnes Ynys Môn 2026

Mae'r Hwb Menter / Enterprise Hub (rhan o Menter Môn) yn datblygu grant dewisol ar gyfer busnesau ar Ynys Môn.  Mae'r cyllid hwn a ddarperir fel rhan o Gronfa Twf Lleol ar gyfer darparu cymorth ariannol i unigolion sy'n dymuno datblygu eu busnes neu sefydlu menter newydd ar Ynys Môn.

Os oes gennych unrhyw gwestiynau cysylltwch â ni ar 01248 858 070 | post@hwbmenter.cymru.

Manylion terfynol i'w cadarnhau a gall y wybodaeth newid.

PECYNNAU

Pecyn Cymorth Busnes Newydd 

• Uchafswm cyfraniad grant o £2,00 (cyfanswm gwerth y gronfa £32,500)
• Uchafswm grant o 70% o gyfraniad cost y prosiect  
• Isafswm cyfraniad ariannol cyfatebol o 30% sy'n ofynnol gan yr ymgeisydd  
• Cyllid i gyfrannu tuag at gostau cyfalaf yn unig
• Sesiynau cyngor busnes 1to1 i gefnogi datblygiad busnes cyffredinol a chais am grant
• Gweithdai addysgol a sesiynau rhwydweithio  
• Lleoliadau cydweithio
• Cyfranogiad mewn cyfleoedd caffael a buddsoddi rhanbarthol lle bo'n berthnasol 

Pecyn Cymorth Busnes Presennol 

• Uchafswm cyfraniad grant o £10,000 (cyfanswm gwerth y gronfa £140,000)
• Uchafswm grant o 50% o gyfraniad cost y prosiect  
• Isafswm cyfraniad ariannol cyfatebol o 50% sy'n ofynnol gan yr ymgeisydd  
• Cyllid i gyfrannu tuag at gostau cyfalaf yn unig
• Sesiynau cyngor busnes 1to1 i gefnogi datblygiad busnes cyffredinol a chais am grant
• Gweithdai addysgol a sesiynau rhwydweithio  
• Lleoliadau cydweithio

• Cyfranogiad mewn cyfleoedd caffael a buddsoddi rhanbarthol lle bo'n berthnasol 

   

MEINI PRAWF  

• Busnes meicro, bach neu ganolig sydd â'i bencadlys ar Ynys Môn. Eich pencadlys yw'r eiddo lle mae rhan helaeth o'ch gweithgaredd busnes yn digwydd
• Busnesau masnachol (nid elusennau neu grwpiau cymunedol)
• Cyflogi hyd at 250 o bobl  
• Trosiant yn llai na £44 miliwn neu fantolen yn llai na £38 miliwn
• Busnesau sefydledig neu unigolion sy'n bwriadu dechrau menter newydd cyn diwedd mis Mawrth 2027.
• Dros 16 oed
• Dim ond un cais fydd yn cael ei dderbyn gan bob busnes/unigolyn
• Byddai'r prosiect yn cael ei ohirio, ei leihau mewn cwmpas neu ddim yn gallu bwrw ymlaen os na ddarperir cymorth ariannol.
• Rhaid i bob prosiect gael ei gwblhau a'i hawlio cyn diwedd mis Mawrth 2027. 
• Rhoddir blaenoriaeth i ymgeiswyr nad ydynt wedi derbyn cymorth ariannol o'r blaen/yn ddiweddar. 

Croesewir ceisiadau gan unigolion / busnesau o unrhyw sector, fodd bynnag, rhoddir blaenoriaeth i fusnesau twf uchel posibl o fewn y sectorau blaenoriaeth canlynol a nodwyd gan Bartneriaeth Sgiliau Rhanbarthol Gogledd Cymru:  

• Gweithgynhyrchu Uwch  
• Adeiladu  
• Creadigol a Digidol  
• Ynni a'r Amgylchedd  
• Gwasanaethau Ariannol a Phroffesiynol  
• Bwyd  
• Iechyd a Gofal Cymdeithasol  
• Twristiaeth a Lletygarwch 

PWRPAS 

Pwrpas y gronfa yma yw i gefnogi unigolion a busnesau ar Ynys Môn i: 

• Gychwyn 
• Tyfu a datblygu 
• Gwella effeithlonrwydd a chynhyrchiant 
• Cryfhau hyfywedd, gwydnwch a chynaliadwyedd hirdymor 
• Cefnogi arloesedd a datblygiad 
• Mabwysiadu technolegau digidol 
• Gweithredu gwelliannau amgylcheddol 
• Creu cyfleoedd cyflogaeth 
• Gwella sgiliau'r gweithlu 
• Gwella'r defnydd o'r Gymraeg 
• Galluogi mynediad at farchnadoedd newydd 

Ni all y gronfa gefnogi costau rhedeg bob dydd, cynnal a chadw, atgyweirio neu gostau busnes fel arfer. 

Oherwydd gwerth cyffredinol cymharol fach y gronfa, y cam cyntaf yw cwblhau Ffurflen Mynegi Diddordeb (yn agor yn fuan), i sicrhau cymhwysedd ac addasrwydd cyn cyflwyno cais llawn.  Dyddiad Cau Ffurflen Mynegi Diddordeb = 16eg o Hydref 2026.  

Os yw'n gymwys ac yn addas, bydd y ffurflen gais wedyn yn cael ei hanfon atoch i'w chwblhau.  Rydym yn disgwyl galw mawr am y grant hwn ac yn anffodus, dim ond cyfran o'r ceisiadau a dderbyniwn y byddwn yn gallu eu cefnogi. Dyddiad cau cais llawn = 27ain o Hydref 2026.  Mae gwybodaeth fanylach ar gael yn y dogfennau isod.  

Sylwch fod y dyddiadau hyn a'r dogfennau sydd wedi'u cynnwys yn ddrafftiau ac y gallant newid.